పి.వి. ఆర్ మూర్తి గారి చిత్రానికి చిన్న ప్రయత్నం....
Pvr Murty garu
మనసంత మౌనంగ మారుతూ ఉంటుంది ||
ఎదసడికి అందాలు అద్దుతూ ఉంటుంది ||
ఎన్నెన్నొ భావాల సందడే ఊహంత
తన స్పర్శ తాకిడిలు తేలుతూ ఉంటుంది ||
చేరకే గాలిగా విడువకే వింతగా
సంగమం స్వప్నంగ మిగులుతూ ఉంటుంది ||
మౌనంగ సంగతులు వినిపించు చున్నాను
ఓదార్చు హృదయాన చేరుతూ ఉంటుంది ||
ఎన్నాళ్ళ ఎడబాటు దుఃఖంగ గడిపినా
మమకార లేపనం తాకుతూ ఉంటుంది ||
......వాణీ కొరటమద్ది
No comments:
Post a Comment